[ti_wishlists_addtowishlist]
Um bókina
Sókrates er alræmdur maður af síðum Dagblaðsins þegar hann fær vinnu í kjötvinnslu á Kjalarnesi. Þar er tekið á móti honum af höfðingsskap og hlýju og hann hækkar fljótt í tign en myrk fortíð hans eltir hann upp metorðastigann. Nýr starfsmaður, formaður Þjóðernishreyfingarinnar – hvítt framboð, einnig alræmdur af síðum Dagblaðsins, hefur sterk áhrif á hann, og í sameiningu feta þeir heljarslóðir íslenskrar menningar fram að hinstu rökum.
Ófeigur Sigurðsson hlaut mikið lof gagnrýnenda og Bókmenntaverðlaun Evrópusambandsins fyrir Skáldsögu um Jón (2010) þar sem hann varpaði nýju ljósi á 18. öldina gegnum augu Jóns Steingrímssonar eldklerks. Í Landvættum kannar hann af sama næmi líf og kjör í klofnu þjóðfélagi við lok 20. aldar.
5 reviews for Landvættir
Kristrún Heiða Hauksdóttir –
„… merkileg lýsing á tíðarandanum á Íslandi undir lok tuttugustu aldarinnar. … aðalpersóna verksins verður að teljast afar afar vel heppnuð. … Á löngum köflum er sönn unun að lesa texta Landvætta sem er allt í senn, ljóðrænn, tregafullur og fyndinn.“
Ingi Björn Guðnason / Víðsjá
Kristrún Heiða Hauksdóttir –
„Þátturinn úr þessari verksmiðju er frábærlega vel skrifaður. Það situr í manni á eftir, hlutskipti þessa fólks, og maður fær tilfinningu fyrir öllum þessum persónum. … Bestu hlutar þessarar bókar eru þannig að hún mætti vera þúsund síður …“
Sigurður Valgeirsson / Kiljan
Kristrún Heiða Hauksdóttir –
„Það besta í þessari bók er alveg gríðarlega vel gert og þá vill maður klappa höfundi af því hann hefur svo ótvíræða hæfileika.“
Kolbrún Bergþórsdóttir / Kiljan
Kristrún Heiða Hauksdóttir –
„… mikið og metnaðarfullt verk … skrifað af umtalsverðri snerpu … Mikið fer fyrir hugsanaflæði þar sem hverskyns hugmyndabrot vella fram … með þessum hætti hefur höfundurinn sterk tök hraða frásagnarinnar.“
Einar Falur Ingólfsson / Morgunblaðið
Kristrún Heiða Hauksdóttir –
„Óskaplega skemmtileg ferð … ég skemmti mér alveg geysilega yfir þessari bók … gladdi mig ógurlega … Feykilega skemmtileg og vel skrifuð … Ævintýralega skemmtilegur óskapnaður!“
Þorgeir Tryggvason / Rás 2