Út er komið þriðja hefti Tímarits Máls og menningar 2017. Að þessu sinni er heftið að mestu helgað Bókmenntahátíð í Reykjavík. Sérfróðir lesendur og fræðimenn skrifa um nokkra gesti hátíðarinnar og birtar eru sögur og ljóð, meðal annars eftir Maju Lee Langvad, Jonas Hassen Khemiri og Eka Kurniawan.

Að auki eru í heftinu ljóð eftir Lindu Vilhjálmsdóttur og Arnhildi Hálfdánardóttur, greinar eftir Þorgeir Tryggvason og Öldu Björk Valdimarsdóttur, hugvekja, umsagnir um bækur og viðtal Kristínar Ómarsdóttur við Kristínu Steinsdóttur.

Guðmundur Andri Thorsson ritstýrði.