Haustið í greinum trjánna er ljóðabók eftir Sigríði Helgu Sverrisdóttur.

Áður hefur skáldið sent frá sér bókina Rauður snjór (2002). Ljóð Sigríðar Helgu eru litrík og í mörgum þeirra gætir kíminnar tvíræðni. Mörg ljóðanna eru ástaljóð í víðri merkingu og endurspegla þá tilfinningareynslu og kenndir sem ástinni heyra til.

Þótt Sigríður Helga forðist víða fyrstu persónu fornafnið eru ljóðin þó í eðli sínu mjög persónuleg.