Farsælla samstarf en tríósins Braga Ólafssonar, Stefáns Jónssonar og Eggerts Þorleifssonar er vart að finna í nýlegum heimildum leikhússögunnar íslensku. Það hófst með Belgísku Kongó og fékk meiri byr með Hænuungunum og nú kætast leikhúsunnendur yfir nýju verki og sýningu sem fer á fjalirnar um næstu helgi. Það heitir Maður að mínu skapi – stofuleikur og fjallar að sögn um eilífa baráttu pennans og sverðsins.