Skilafrestur í samkeppninni um Íslensku barnabókaverðlaunin rann út í byrjun þessa mánaðar og annað árið í röð er metþátttaka. 35 handrit bárust dómnefnd í ár, eins og í fyrra, og við fyrstu sýn eru margar góðar sögur þeirra á meðal. Dómnefndarstörf eru að hefjast og búast má við niðurstöðu í síðasta lagi í byrjun maí. Þá verður haft samband við vinningshafann en nafn hans verður ekki kunngjört fyrr en bókin kemur út í haust. Nánari fréttir af gangi mála munu birtast hér á heimasíðu Forlagsins.