Á vefsíðunni Smugan.is er birt áhugavert viðtal Ásgeirs H. Ingólfssonar við rithöfundinn Kristínu Eiríksdóttur um nýja skáldsögu hennar, Hvítfeld, fjölskyldusögu. Þar segir frá Hvítfeld-ættinni en nafnið „má rekja aftur til forföður sem er sagður hafa drepið ísbjörn með berum höndum og þessi gamla grobbsaga umbreytist í erfðalygina sem markar þessa fjölskyldu alla tíð. Og þetta minnir óneitanlega á lygina um Ísland, erfðalygi heillar þjóðar sem sækir sjálfsmynd sína til mörg hundruð ára gamalla hetjusagna,“ eins og segir í viðtalinu sem má lesa í fullri lengd hér.