Bækurnar Svaðilför í Surtsey og Dularfulla stjarnan fást nú endurútgefnar – vonandi mörgum Tinnaaðdáendum til mikillar gleði.

Fyrsta bókin um Tinna kom út í Belgíu 1930 og æ síðan hefur blaðamaðurinn snjalli og félagar hans heillað lesendur um allan heim, ekki síst hér á landi. Ævintýri Tinna eru nú endurútgefin í frábærri þýðingu Lofts Guðmundssonar en nýju og handhægu broti. Tinnabækurnar í þessu nýja útliti eru nú orðnar átta talsins.