Þórunn Valdimarsdóttir var nýverið fulltrúi Íslands á Bókmenntahátíð Rúmeníu, Hátíð Óvidíusar, sem haldin er í Neptún við Svartahaf. Þátttakendur voru um 60 talsins héðan og þaðan úr heiminum en Þórunn var eini fulltrúi Norðurlandanna. Þema hátíðarinnar var „Ris og fall sögupersóna í fagurbókmenntum“ og voru flutt erindi á daginn en á kvöldin lásu þátttakendur ljóð en Þórunn flutti erindi um framtíð söguhetjunnar og las fjögur ljóð. Erindi þingsins munu svo einnig koma út á bók.

Við lok hátíðarinnar fluttu þátttakendur svo þýðingu sína á frægu erindi Óvidíusar  sem að hljóðar svo í þýðingu Þórunnar:

Hér ég ligg sem lék við ljúfa ást,

ljóðskáld Naso, nár af viti mínu.

Vegfari … hafir þú elskað heitt

þá teldu ei eftir þér að segja hátt:

Megi bein hans Nasó ljúft þar liggja.