Í kvöld, miðvikudaginn 17. febrúar, segir leikkonan Þóra Karítas Árnadóttir frá tilurð bókarinnar Mörk – saga mömmu, sem kom út í fyrravor við frábærar undirtektir.

Fyrirlesturinn er opinn öllum en ekki síst ætlaður þeim sem eru að gæla við að skrifa bók og eru í leit að innblæstri. Höfundur lýsir á heiðarlegan hátt sköpunarferlinu og deilir með áhorfendum krefjandi, óvæntu og örlagaríku ferðalagi. Mörk saga mömmu kom út hjá Forlaginu í apríl 2015 og var tilnefnd til Fjöruverðlaunanna 2016.

Veitingastofurnar opna kl. 18.30 fyrir þá gesti sem vilja snæða léttan kvöldverð í formi menningarplatta áður en dagskrá hefst. Menningarplatta þarf að panta fyrirfram með borðapöntun í síðasta lagi kl. 16.00 daginn fyrir. Dagskráin hefst kl. 20 og aðgangseyrir 1000 kr.