Brátt gengur þorrinn í garð og af því tilefni minnum við á stórskemmtilega bók Árna Björnssonar þjóðháttafræðings um íslenskar þorrahefðir og blót. Bók þessi er ómissandi á náttborðum þeirra sem ætla að fagna þorra eins og sannir Íslendingar, jafnvel skella í sig súrum hrútspungum, sundmögum og selshreifum. Eða hvað? Sumir þorrasiðir eru jú yngri en aðrir og sumt telst jafnvel seinni tíma punt. Hversu gamall er þorramaturinn í raun?