Eins og kemur fram á Smugunni er danski sakamálahöfundurinn Jussi Adler-Olsen í samningaviðræðum við fleira en eitt kvikmyndarfyrirtæki vestanhafs um rétt til að festa bækur hans á filmu. Þrjú af fimm stærstu kvikmyndafyrirtækjunum hafi lýst áhuga á að kaupa réttinn til að kvikmynda bækur hans um Deild Q í dönsku lögreglunni. Konan í búrinu, Veiðimennirnir og Flöskuskeyti frá P hafa komið út á íslensku úr seríunni og er sú fjórða væntanleg skömmu eftir áramót.