Íslenskum höfundum barst liðsauki úr óvæntri átt þar sem velgengni Dags Sigurðarsonar landsliðsþjálfara Þjóðverja í handbolta hefur dregið athyglina að íslenskum bókmenntum eins og sjá má í þessari grein á vefsvæði þýska miðilsins WAZ.
Í greininni er  umfjöllunarefni WAZ,  Skuggasund Arnaldar Indriðasonar.

Arnaldur er þó ekki sá eini sem nýtur velgengni á erlendri grundu því forlögin Open Letter í Bandaríkjunum og Actes Sud í Frakklandi hafa nú keypt útgáfuréttinn að Sögumanni Braga Ólafssonar.

Løvens forlag í Danmörku keypti réttinn að Börnunum í Dimmuvík eftir Jón Atla Jónasson

Bækur Jóns Gnarr Indjáninn og Sjóræninginn njóta mikilla vinsælda og kemur Indjáninn út í Búlgaríu og Sjóræningjans er að vænta í Tékklandi, en Indjáninn kom út þar fyrir skömmu við góðan orðstír.

Einnig hlaut Phil Roughton viðurkenninguna Nadia Christensen Prize frá American Scandinavian Foundation fyrir þýðingu á Gerplu Halldórs Laxness.

Útrás íslenskra bóka er því ekki í neinni lægð.