Skáldsagan Morgunþula í stráum eftir Thor Vilhjálmsson kemur út í Þýskalandi í sumar. Forlagið Osburg gefur verkið út í þýðingu Gerts Kreutzer sem einnig ritar formála. Í kynningu forlagsins er bókinni lýst sem stórvirki eins helsta frumkvöðuls íslenskra bókmennta og sögð mikilvægasta rit heiðursgestanna á bókamessunni í haust. Þá prýðir kápumynd bókarinnar forsíðu veglegs kynningarbæklings forlagsins ásamt heilsíðu mynd af höfundinum á fyrstu opnu hans.