Lára og Ljónsi hafa undurgaman af því að hlusta á tónlist og syngja með. Hér eru uppáhaldslögin þeirra, sungin af höfundi Lárubókanna, Birgittu Haukdal.

Syngdu með Láru og Ljónsa er stórskemmtileg bók með fjölbreyttum lögum sem henta hvort sem er í fjörugu ferðalagi eða á rólegum stundum fyrir háttinn. Krakkar geta bæði hlustað á lögin með söng Birgittu og spreytt sig á að syngja þau sjálf með undirspili. Bókin er skreytt litríkum og fallegum myndum sem gaman er að skoða.